Den cuadro di e proyecto AREA – Aruba Re-imagined Areas, gobierno a cuminsa cu encuentronan cu e comunidadnan di Oranjestad y San Nicolas. Unda nan ta midi preocupacionnan y solucionnan pa asina rebiba e centronan comercial. Por mira cu te awor mayoria ta preocupa cu actividad comercial faltando den ambos ciudad. Como solucion mas cu 20% ta pensa cu mester di mas actividad cultural. Na Oranjestad nan ta pensa cu mester bin cu vivienda pa hoben profesional of studiante. Na San Nicolas nan kier mas tanto incentiva pa inversion. Na Oranjestad ta papia di trece mas musica y arte y na San Nicolas di cafés y tambe hardinnan publico y shared workspaces.
Aki bou por haya e resultadonan te awor.
Gobierno tambe ta informa cu:
“E proximo dos lunanan aki nos lo ta colectando informacion y hibando discusion preliminario cu varios stakeholder den comunidad. Pronto nos lo informa tur cu a participa, y tambe comunidad en general, di e proximo pasonan y tambe di e siguiente encuentro cu lo tuma luga den luna di augustus.”
