Conseho Supremo Electoral ta informa cu awe resultadonan di eleccion 2017 a keda presenta oficialmente. Resultado di reparticion di asiento a keda mescos cu tabata conoci segun presidente di Conseho Electoral Glenn Thode. A determina oficialmente e reparticion di asiento awe.
“Reparticion di asiento a keda mescos. A comparti tambe e reparticion di asiento pa candidato pa e listanan cu asiento, y e totalidad di candidatonan cu a resulta di a saca asiento di parlamento segun ley,” sr. Thode ta bisa.
Te cu awe segun Conseho Electoral, e resultadonan di eleccion 2017 tabata temporario. Despues di e reunion di awe, e resultado ta pues final y fiho. Nan mester a atende cu un keho cu tabata specifico en cuanto resultado di un stembureau.
“A controla esaki anto a mira cu tabata tin diferencia di un voto riba candidato robes. A coregi esaki. Den un sistema automatisa e tipo di erornan humano aki no lo tuma luga.”
Conseho Electoral a laga sa cu e keho tabata tin di haber cu ‘menselijkheid’ den e proceso aki.
Akinan por mira e resultadonan.
Fuente: Gobierno.AW
