(ElNacional) – Esposa y yiu muhe di e dirigente opositor Oscar Pérez, Martha Molina y Georgina Pérez, a sali liber, cu restriccion di movemento, asina nan abogado defensor Carlos Daniel Moreno a informa.
Nan a keda deteni diasabra na aeropuerto di Maiquetia, ora nan tabata hibando un grupo di por lo menos 120 mucha Peru, pa nan reuni cu nan mayornan cu ta residencia na e pais ey. Oscar Pérez tambe ta keda na Peru, desde cu el a huy di Venezuela, despues cu gobierno di Chavez a detene na 2009 pa organisa un demostracion contra un reforma educativo, cu e tabata cualifica como indoctrinacion politico. Sr. Pérez tin asilo politico na Peru. E periodista specialisa den suceso Mildred Manrique a informa di manera extraoficial cu e dos acusadonan a haya prohibicion di salida di e pais y regimen di presentacion na tribunal.
Ministerio Publico a acusa nan di comete trafico di persona, a pesar cu ambos ciudadano a bisa cu nan obhetivo tabata pa e menornan, tur kedando na Venezuela, por a reuni cu nan mayornan residencia na Peru. Tambe autoridadnan a declara cu den cuatro caso e documentonan oficial pa por laga e menornan sali di e pais, no tabata na orden.
E suceso a bira un drama personal pa e muchanan, di cual varios ta sufriendo di enfermedad serio, pa cual nan ta coriendo riesgo grandi na Venezuela, unda escasez di remedi, specialmente pa enfermedad cronico manera cancer, epilepsia, diabetes, ta pone bida di miles di pashent na peligro.
