Un rapport importante ta mustra e efecto desastroso di e resistencia di bacteria contra remedinan anti bacteriologo manera antibiotica. E situacion na 2050 lo ta asina grave cu si mundo no ta actua, cada 3 seconde un hende lo muri. BBC a publica un articulo interesante riba esaki, yama Superbugs will kill every three seconds
Na Aruba e departamento di Salud Publico tambe a yega di hala atencion pa motibo cu dokternan ta prescirbi antibiotica mucho lihe. Tin casonan hasta cu pashent ta uza antibiotica contra infeccion viral, mientras esey no ta yuda pero si ta haci cu bo curpo por bira resistente. E uzo halto pero tambe e bacterianan mes nan desaroyo ta crea un situacion cu na 20150 cada aña 10 miyon hende lo muri pasobra e remedinan anti bacteriologo lo no yuda nan mas. Un corta chikito na bo man por ta fatal, mescos cu operacionnan considera ‘simpel’ (no tin mucho riesgo) lo por bira fatal. Hasta duna luz por bira fatal pa hende muhe.
Banda di esaki companianan farmaceutica no ta invertiendo e fondonan necesario pa crea antibiotica nobo pa compati e bacterianan resistente. P’esy tin recomendacionnan cu ta bisa cu mester duna mas incentiva financiero na e companianan pero tambe ta necesario pa bin cu un campaña di conscientisacion global pa mustra e hendenan riba e riesgo.
