(AP) – Mirando back atras, e ta cla cu algo no tabata bon den e bario aki na Jersey Shore, unda varios persona tabata traha na of biba rond di un compania di kimico cu tabata deshaci di sushinan toxico pa medio di flush esaki of dera esaki bao tera.

Hombernan ta bay cas for di e planta, cual tabata crea tiña, entre otro, y nan sodo tabata e color di e tiña cu cual nan a caba di traha. Muchanan tabata landa den e riu local, unda cu tabatin menos pisca di loke ta premira, algun cu tabatin ta transparente y otronan tabatin cierto lesionnan riba nan.

E muchanan tabata ser diagnostica cu cancer na un averahe hopi mas halto di loke ta normal. Añanan despues e berdad a sali na cla; Ciba-Ceigy Chemical Corp., e bario su dunador di empleo mas grandi, tabata flush e kimiconan dentro di e riunan Toms y e oceano Atlantico y tabata dera 47,000 bari di sushi toxico bao tera. Esaki a crea un gran cantidad di awa cu polucion cu a plama mas aya di e sitio dentro di e barionan residencial. Esaki a haci e area un di Merca su sitionan mas conoci, uniendo su mes na e lista di areanan sumamente toxico y den necesidad di limpiesa supervisa na nivel federal.

E departamento di salud publico di e estado a haya cu 87 mucha na na toms river, cual tabata conoci e tempo nan aya como Dover township, a ser diagnostica cu cancer entre 1979 te cu 1995. Un estudio a determina cu e averahe di cancer y leucemia den muchanan muhe na toms river tabata “eleva di manera significante ora cu compara cu otro estadonan su averahe.”

E compania, cual a ricibi cargonan criminal, a paga miyones di dollar den boetnan ademas di 300 miyon cu nan a paga pa limpia e sitio, cual ta un esfuerso cu te ainda ta andando sin tin fin den bista. Awo, New Jersey a yega un acuerdo nobo pa cu e sitio su doño actual, BASF Corp., pa trata e daño na e recursonan natural den e sitio. Ademas, residentenan di Toms River, unda e “cluster di cancer” ta parti di e vocabulario local y awa den boter ta e unico tipo cu varios lo bebe, no ta contento cu e trato aki bisando cu esaki no ta “ni cerca di ta suficiente.”

E acuerdo aki ta compromete BASF, cual ta doño di e sitio como e sucesor corporativo di Ciba-Geigy, pa restaura e areanan pa medio di crea un plataforma eleva pa por mira e area, camindanan pa cana y crea un centro di educacion ambiental. Ademas di haci esaki, BASF lo paga e estado 100,000 dollar y lo ser permiti pa sigui anfitriona un gran cantidad di panel solar riba un parti di e sitio. “Toms River ta conoci rond di mundo pa dos cos; Gana Little League World Series na aña 1998 y e fayecimento pa causa di cancer di un sitio cu tabata yen di polucion kimico,” alcalde Maurice Hill a expresa.

Su persona y otronan a bisa cu e acuerdo aki no ta haci suficiente pa compensa Toms River y su residentenan pa e decadanan di polucion y malesa cu nan a enfrenta. El a keha cu e trato aki a ser negocia sin involucra e localnan y kier pa 250 hectare di e sitio di BASF ser duna na e bario y pa crea un fondo pa trata cualkier contaminacion descubri den futuro.

Na un reunion publico tocante e proposicion riba diaranson anochi crea pa un grupo ambiental local, residentenan a conta e dolor di perde nan sernan keri y amistadnan. “Mi tio tabata yega cas den zomer y e tabata soda e color di e tiña cu e tabata traha cune durante e dia,” el a bisa. “E tabata contamina, y tabata contaminando su yiunan,” Summer Bardier a expresa.

“BASF su meta principal ta di restaura e sitio pa cumpli cu e standardnan regulatorio cu ta proteha e salud di ser humano y e ambient. Ademas, BASF ta habri pa inclui e sitio su historia ambiental como parti di e facilidad educacional,” Molly Birman, vocero di e companai a declara.