(NLTimes) – Personanan cu ta biba cerca di fabrica Tata Steel na Hulanda ta haya necesidad di medicina pa problema cardiovascular, presion halto y diabetes hopi mas frecuente cu personanan fuera di e region IJmond, RIVM a conclui despues di a investiga.
Segun instituto di salud, residentenan di Beverwijk y Velsen ta receta e medicina aki na 11 pa 16 porciento mas persona. Residentenan adulto tambe ta 5 pa 10 porciento mas probable di ricibi tratamento pa problemanan di respiracion. Muchanan no ta cay den e grupo aki segun RIVM.
E instituto a investiga ki influencia e aire den IJmond tabatin riba e salud di residentenan. Tambe el a mira na con frecuente e residentenan a ricibi medicamento pa cierto condicionnan pa prome biaha entre 2008 y 2019. Tin malesanan cu por ta relaciona cu cierto particulanan y nitrogeno den e aire.
Den investigacionnan anterior, RIVM a mira cu personanan den e bisindario di TATA Steel ta exponi na substancianan dañino cu mas frecuencia, manera PAH (Polyciclic Aromatic Hydrocarbons) y claramente metalnan tambe. E substancianan aki por causa malesanan manera cancer.
Den otro reportaje, GGD a tuma nota cu varios residente di Beverwijk ta haya cancer di pulmon hopi mas frecuente cu e averahe di henter Hulanda. Servicio di salud no a identifica explicitamente cua tabata e causa, sinembargo un biaha mas polucion den e aire tabata un di e factornan mas prominente y principal pa e causa di esaki.
Den december anterior, Tata Steel a anuncia cu nan a cuminsa traha riba plan pa reduci e emision di gasnan dañino, sinembargo nan a agrega cu e biaha aki nan lo traha riba logra e meta aki cu mas urgencia y mas pronto cu ta posible.
