Residentenan lo enfrenta aumento drastico den prijs di awa potabel proximo aña

(NLTimes) – E prijs di awa potabel lo aumenta drasticamente den aña 2023. Tur compania di awa ta aumentando nan averahe pa motibo cu nan ta enfrenta cu aumento den prijs di energia, material y materialnan curu.

Ademas, nan mester haci inversionnan significante pa asina por garantisa disponibilidad di awa potabel den futuro, segun e companianan. E aumento aki den costo ta varia di entre 20 pa 50 euro pa aña pa un vivienda averahe, e dependiendo di e compania cu ta provee nan awa.

E prijs pa awa potabel ta consisti di e costo pa cada liter di awa, e prijs base y Tap Water Tax. Segun e compania di awa potabel Vitens, e suministro mas grandi di awa na Hulanda, un vivienda averahe di 4 persona ta usa mas o menos 163 meter cubico di awa pa aña. Na Vitens, e costo lo aumenta cu aproximadamente 20 euro pa cada 100 meter cubico di awa proximo aña. Un meter cubico di awa pues 1,000 liter, lo costa 85 cent na luga di e 72 cent di e aña aki.

Na e compania di awa potabel PWN na Noord-Holland, e consumidor averahe lo paga maso menos 48 euro mas pa aña. Un aumento “excepcional,” PWN a bisa. “Nos ta haciendo loke nos por pa reduci e costo pa motibo cu nos no ta aki pa genera ganashi so.” Sinembargo PWN, manera otro paisnan, mester haci hopi inversion den awa pa futuro.

“E poblacion ta creciendo. Hopi casnan lo ser construi den e añanan binidero, tur di cual mester tin un conexion di awa. Nos mester traha di manera mas sostenibel. Tubonan bao tera mester keda reemplasa. E clima ta cambiando, e zomernan seco a haci cu e ta hopi cla con urgente inversionnan ta,” Oasen a declara, ken ta suministra awa na Zuid-Holland.

Compania di awa potabel WMD Drenthe lo inverti 36 miyon euro den e añanan binidero, incluyendo busca fuentenan pa awa nobo. E tarifa na Drenthe ta aumentando cu un averahe di 2 euro pa luna.

Dunea, cual tambe ta duna suministro di awa na Zuid-Holland a señala cu awa potabel na Hulanda te ainda ta relativamente accesibel. “Na mesun tempo, nos ta mira cu e aumento di e tarifa aki ta bini riba di e aumento di prijs di energia, cuminda, entre otro cosnan.”

E companianan encarga cu e suministro di awa potabel a señala na e clientenan cu nan por influencia nan tarifa ten a un extento pa medio di ta mas economico cu nan uso di awa. Tin yamado pa un uso mas consciente di awa pa algun tempo. “Awa potabel no ta costoso, pero e ta valioso,” Oasen a declara.