(NLTimes)—Aña pasa, residentenan na Hulanda a gasta 11.3 biyon euro pa haci nan hogar mas sostenibel—casi 30% mas cu e aña prome. Mas ta necesario, segun e Asociacion Hulandes di Energia Sostenibel (NVDE).

Segun e agencia di investigacion riba mercado, Multiscope, hogarnan kier spar energia, specialmente esnan cu ta biba den hogar cu ta marca pa energia abou. Prijsnan di gas y electricidad, entre otro, a aumenta lihe desde e temporada di zomer 2021, parcialmente pa via di e guera na Ucrania.

Na aña 2021, hendenan a gasta 8.6 biyon euro riba sostenibilidad, cual ta 30% menos cu aña pasa. Un “aumento absurdo”, analista di mercado Sven de Bruijn a bisa. “Mas hogar a cuminsa bira mas sostenibel, y nos a haci mas ahuste pa cada cas.” Casi 6 den 10 hogar a bira mas sostenibel den al menos un manera.

Hogarnan ta gasta mas placa riba sostenibilidad den forma di energia solar cu 38% di e cantidad total. Tambe nan ta gasta 37% riba aislante. Segun de Bruijn, e motibo pa esaki ta cu e ta un inversion mas grandi: “Hopi hende no por instala panel di solo riba nan dak nan mes. Nan mester di un tercer partido pa por haci esaki, pues nan ta contrata mas.”

NVDE ta pensa cu gobierno mester tuma un acercamento structural pa haci hogarnan mas sostenibel, districto pa districto. E ora, Hulanda por spar mas eficientemente y trata pobresa energetico mas eficiente, e asociacion a declara a base di investigacionnan pa Ecorys. Segun NVDE, mas cu 1.1 miyon hogar por ricibi un cuenta abou di energia structural pa e placa cu Cabinet ta pone na banda pa e capa di prijs di energia e aña aki.

Haci trabou districto pa districto tambe lo permiti pa companianan por spar. E acercamento aki tambe por combina tur e programanan fragmenta di subsidio y haci esaki posibel pa operadornan di netwerk sa unda mester spar electricidad, cual por haci un diferencia den e resolucion di presion riba netwerk di electricidad.

Hogarnan cu panel di solo por duna back energia cu nan no ta uza den e netwerk di electricidad, cual ta pone mas presion riba e netwerk tambe. Pasobra e netwerk di electricidad ta yenando mas y den mas luga, tin biaha ta imposibel pa doñonan di panel solar por pusha energia exceso back den esaki. TenneT kier inverti mas cu 10 biyon euro te cu 2031 den e aumenta di capacidad pa resolve problemanan asina.

NVDE a propone pa gobierno desaroya un “programa generoso pa e acercamento den scala grandi pa e mehoracion di hogarnan,” cuminsando den barionan cu tin mas pobresa energetico, segun presidente di e asociacion, Olof van der Gaag.

Segun e, un envolvimento asina pa gobierno ta comparabel cu kico a sosode den energia di molin’i biento. “Dies aña pasa, tur hende tabata kier energia di molin’i biento, pero esaki ainda tabata caro y companianan tabatin duda pa inverti,” manera el a splica. “Pasobra cu gobierno a priminti un instalacion di molin’i biento plania y predecibel y a tuma over e burocracia companianan a purba nan suerte cu esaki, y gastonan a baha lihe. Nos lo kier mira un acercamento asina pa mehoracion di hogarnan.”