(NLTimes)—Residentenan Hulandes ta comiendo y bebiendo mas saludabel den e ultimo añanan. Cuminda vegano ta birando mas popular, carni cora y procesa ta birando menos popular y e consumo di te y awa ta aumentando. Esaki ta evidente den e encuesta di RIVM riba consumo di cuminda (VCP) entre un grupo di representante di 3.500 mucha y adulto.
E Hulandesnan ta comiendo no solamente mas fruta y berdura, pero tambe bonchi y pinda sin salo. E desaroyo ta visibel den personanan hoben y mayor. Pero ainda falta, RIVM ta bisa. “Mester nota cu mayoria di hende Hulandes no ta sigui e guia di dieet saludabel. E guia ta lista cua cuminda y e cantidad y custumber cu ta bon pa un bida saludabel.
Den su VCP, RIVM a tira un bista riba cumindanan cu residentenan entre 7 cu 69 aña ta come tur dia entre 2019 y 2021, y a compara e resulta cu encuestanan di pasado. Consumo di berdura a aumenta di 128 gram pa dia entre 2007 y 2010 pa 135 gram entre 2012 y 2016 . Awo e cantidad ta na 163 gram pa dia. E porcentahe di adulto cu ta sigui e guia di berdura a bira dobel compara cu e encuesta prome, pero esaki ainda ta na 29% so.
Residente Hulandes ta comiendo mas fruta tambe. Den encuestanan di pasado, consumo di fruta tabata 103 y 117 gram pa dia. Den edicion recien, esaki tabata 129 gram. Den e ultimo añanan, e cantidad di carni cora y procesa cu a wordo consumi tabata al menos 20% mas abou cu na 2007 y 2010. Consumo di bebida dushi manera refresco tambe a reduci. “E gram pa dia a cay di 382 entre 2012 y 2016 pa 240 gram actualmente.”
Bebemento di te a subi cu 27% desde e prome encuesta, di 190 gram pa 242 gram pa dia. Consumo di awa a aumenta cu 51% den e temporada ey, di 585 pa 844 gram pa dia.
