Republica Dominicana: Sosten pa democracia a disminui den ultimo tres aña

(DiarioLibre) – Den ultimo tres aña, Republica Dominicana a experimenta un disminucion den e sosten pa democracia, como tambe un aumento den autoritarismo y indiferencia pa cu e tipo di regimen, segun e informe di Latinobarometro di 2023.

E informe ta detaya cu entre 2020 y 2023, e autoritarismo a aumenta den ocho punto porcencual, pasando di 13% pa 21%, mientras cu e sosten pa democracia a disminui den dos punto porcentual, pasando di 50% pa 48%, y e indiferencia pa cu e tipo di regimen a aumenta den dos punto porcentual, pasando di 25% pa 27%.

Tambe e informe ta señala cu e pais ta “transitando levemente” den direccion opuesto di e consolidacion democratico, cu un caida negativo den e tres indicador. Ta afirma cu e inclinacion pa autoritarismo y e disposicion pa indiferencia ta contraresta e sosten pa democracia. Sinembargo, e informe ta aclaria cu e situacion no ta asina critico manera na otro pais analisa, maske Republica Dominicana ta mustra un democracia propenso na populismo y autocracia for di e punto di bista di su imagen.

Latinobarómetro ta cuminsa su informe destacando cu America Latino nunca tabatin democracianan instala na tur pais di manera simultaneo den e “tercer ola” aki. Ta agrega cu semper tin al menos un pais cu un dictadura instala, desde Fujimori te Chavez. E informe ta splica cu e recesion demoratico describi aden ta referi na e debilitacion y vulnerabilidad na cual e paisnan di e region a yega despues di un decada di deterioro continuo y sistematico di democracia.

Di e 18 pais di America Latino, awendia solamente 16 ta democratico. Cronologicamente, e prome transicion a tuma lugar na Republica Dominicana na 1978 despues di 12 aña di e gobierno autoritario di Joaquin Balaguer (1966-19780.)

E Dominicanonan no ta worry si un gobierno no-democratico yega na poder tanten cu resolve nan problema. Esaki nan a contesta na e pregunta cu ta aborda e tema di poder cu un ciudadano ta entrega a traves di su voto pa un gobierno cu ta pasa riba ley, aunke no ta militar. Esaki ta un actitud claramente populista-autoritario. E respuesta aki ta e prome señal cu e ciudadanonan ta busca cada bes mas, na cualkier lugar, un solucion pa nan problema den un demanda pa autoritarismo y populismo na mes momento.