(DiarioLibre) – Studiantenan evitando obstaculonan den klas, lesnan bao di lonanan pa e posibilidad di collapse of escasez di espacio ta algun di e problemanan cu un gran parti di e scolnan rural na San Francisco de Macoris tin, un di e ciudadnan principal di Republica Dominicana, e mayor- y maestronan ta denuncia.

E scol Maria Lajara Henriquez, situa na e zona cu hopi sero di e ciudad, ta mustra e situacion precario di algun centro di enseñansa na e pais, cu ta destina e 4% di e Producto Interno Bruto (PIB) na educacion.

“Nos ta cla pa sali core pasobra e scol ta den hopi mal estado,” e profesor Leonardo de la Cruz a bisa na EFE bao un lona blauw, e dak improvisa den aire liber cu ta wordo usa pa duna les door di e imposibilidad pa e 13 alumnonan di e centro drenta e edificio pa riesgo cu e lo collapse.

Probechando e dia cu solo pa duna lesnan presencial despues di varios dia cu e muchanan no por a y scol door di awasero y e imposibilidad di por yega e scol pa motibo di e plasnan di awa riba caminda, ta soprende e concentracion di e alumnonan ora cu e maestro ta splica e lesnan den e condicionnan aki.

Segun e ministerio di Educacion a splica na EFE, un inspeccion tecnico a conclui cu e scol aki no ta den condicion pa duna les, door di cual e cartera ey a compromete su mes na su remodelacion pa prome cu e aña escolar nobo cuminsa, obranan cu lo consisti di e demolicion di e centro y e construccion di dos klas y un servicio di baño digno.

Te ora cu logra drecha e inconvenientenan aki, e maestronan tin solucionnan pa e muchanan por sigui cu nan estudio. Un di nan ta e grupo di Whatsapp entre e mayornan y e maestronan, unda nan ta debati cada dia si e meteorologia ta permiti e alumnonan bay scol of si nan mester keda cas, den cual caso e maestronan ta manda e lesnan cu nan mester haci.

Na otro ocasionnan, ora cu awa cuminsa yobe durante les, nan mester sconde te ora cu nan por bay cas back .

De la Cruz a splica cu e muchanan ta demostra miedo cu nan tin den caso cu tin un temblor cu lo por basha e scol abao pasobra e no tin base solido, no tin columnanan cu ta wanta e edificio. E maestronan tambe tin miedo ya cu algun dia atras un mata grandi cu tabata cerca a cay y e prome pensamento tabata cu e scol ta cayendo den otro.

E inconvenientenan aki tambe ta sucede den zonanan aparta di e ciudad, manera na e Politecnico Pedro Francisco Bono, unda e paralisacion di un construccion a laga e edificionan rondona di desperdicio di construccion cu ta produci acumulacion di sangura, cu a provoca casonan di dengue, y di materialnan na unda cualkier caida por ta un desgracia.