(DiarioLibre) – E fondo di compensacion social di e Senado of “barrilito” a costa e saco di e Dominicanonan durante 2023 alrededor di 368.8 miyon di pesos, den gastonan cu ta bay for di ayudanan fiho y ocasional, concursonan di beyesa, articulonan cu e cara di e congresistanan, te na bebidanan alcoholico y bishita na veterinario.

E programa El Informe cu Alicia Ortega a revela cu solamente aña pasa e Camara Alta a distribui di manera regular 252,852,000 miyon, cu asignacionnan cu ta bay for di 619,000 te na 1,059,000 mensual dependiendo di e poblacion di e provincia.

Ortega a presenta un sero di cifra cu a bolbe pone bao cuestionamento e uso cu ta duna na e fondonan, y pakico organisacionnan manera Participacion Ciudadana, y incluso senadornan cu a rechasa ricibi nan, ta considera cu e mester ser elimina.

El a destaca cu, durante e periodo, ademas di e asignacion regular, nan a ricibi partinan extraordinario pa concepto di Dia di Mama (650 mil) y Dia di Tata (250 mil), utilnan escolar (300 mil), e tormenta Franklin (300 mil) y Pasco (2.5 mil miyon), pa otronan 116 miyon di pesos.

El a señala cu, di casi 350 informe di 29 provincia, solamente e senadornan di tres teritorio Santiago, Districto y Santo Domingo a rechasa ricibi e fondonan.

E programa a pone den evidencia, cu imagennan di factura y e registro di beneficiarionan, verificacion di comprobantenan y apoyo di pago, e uso iregular di e fondonan.

El Informe a explora den e lama di facturanan di e senador di Monte Plata y entre su descubrimentonan tin, segun nan a indica, e emision di checknan directo na personanan, aunke supuestamente e recursonan ta coresponde na empresanan.

E programa ta comparti tambe e caso di Francisco Alberto Alcantara, cu checknan emiti na diferente ocasion, cu conceptonan manera “pago na factura di materialnan di colaboracion agricola di e sector Boya”, pa cual nan ta subraya no tin “ningun factura di apoyo.”

E rapportnan financiero mensual ta registra un serie di check na nomber di e Grupo Ama, pa mas di RD$1 miyon, di cual Yeb ta aparece como titular.

“No, e titular di esey yama Edgar Victoria Yeb, pasobra ami no tin nada di haber cu esey. E ta un botica. Ami a haci’e. Esey te. Por ta mi a registr’e, pero esey a pasa dies, 12 aña atras, na nomber di mi ruman homber,” Yeb a responde na El Informe.

Den El Informe tambe a presenta e caso di Senador Ramon Rogelio Genao di La Vega, cu a reporta gastonan di transport di 100 biña JP., 300 boter di Chivas, 17 boter di champaña y 46 basket.

Loke tambe a hala atencion di e investogadornan di El Informe ta e gasto den gasolin cu ta sali di e fondo asigna na e Senador pa San Juan de la Maguana, Felix Bautista: 100 miyon, of hasta mas, mensualmente.