(DiarioLibre) – Presidente di e Republica, Luis Abinader, a inaugura ayera e centronan educativo Nuestra Señora del Perpetuo Socorro, campus II, y e scol secundario San Francisco de Asis, ambos den e municipio di Santo Domingo Este, provincia Santo Domingo.
E prome centro educativo lo sirbi pa descongestiona e centro di e mesun nomber cu ta funciona den e Base Aereo di San Isidro.
E ta conta cu 28 klas nobo y lo carga mas di 900 studiante. El a wordo construi pa un total di 117.3 miyon di pesos.
Segun e mayor general Carlos Febrillet, comandante di e Fuerza Aerea Dominicana, e inauguracion di e centro aki lo contribui pa descongestiona e sede di e Base Aereo, ya cu e mayornan di e studiantenan no lo mester drenta na e edificio pa busca nan yiunan.
Segun el a bisa, e 90% di e studiantenan di e centro aki ta yiu di mayornan civil.
Pa loke ta trata e di dos centro educativo (San Francisco de Asis), ubica na e sector Los Frailes, el a wordo construi pa un total di 111.3 miyon di pesos, e ta conta cu 24 klas nobo y lo carga un total di 840 studiante.
Segun e directora di e scol, Mildred Elizabeth Martinez, nan tabatin 18 aña luchando pa e construccion di un edificio digno. “Ya nos no ta bay lora mas,” Martinez a bisa, ken a afirma cu ya nan no lo sufri cu e solo y e stof.
