(DiarioLibre) – Presidente di e Republica, Luis Abinader, a traves di vocero di gobierno a reacciona ariba e detencion di dokter y activista Wazar Gomez, ken a wordo intercepta mientras e tabata protesta di manera pacifico cu un poster urgiendo e mandatario pa presta atencion na e pashentnan cu cancer y problemanan psikiatrico di provincia di San Jose de Ocoa.
Segun director di Comunicacion di Gobierno, Homero Figueroa a informa, presidente Abinader a ordena e libertad di e dokter “inmediatamente” y a pidi pa cuminsa cu un investigacion ariba e hecho.
Den e publicacion, e comunicador a manifesta cu for di gobierno nan ta garantisa e derechonan di e ciudadanonan.
“Nos gobierno ta garantisa e derechonan ciudadano. Presidente Luis Abinader, despues di observa ariba rednan social e video di detencion di dokter W. Gomez mientras e tabata eherce su derecho na un protesta pacifico, a ordena su libertad inmediato y a duna instruccion pa cuminsa cu un investigacion ariba e suceso. Nos no ta tolera e abusonan aki,” e publicacion ta indica.
E poster tabatin skirbi “Señor Presidente, dicon tin tanto pashent di cancer y psikiatrico na Ocoa?”, compaña pa bandera di Republica Dominicana.
Asina abogado Wendy Santo Berroa a denunci’e, ken a bisa cu Wazar Gomez a yam’e den oranan di anochi pa inform’e cu e tabata deteni na prison di San Jose de Ocoa. E hurista a haci un video, cu el a publica y difundi ariba rednan social, pa ofrece e informacion y mustra bao cual circunstancia e dokter a wordo deteni, ken ademas ta un activista social.
E video ta capta e momento cu varios agente policial y varios civil a intercepta e dokter mientras e tabata cana, y sin bisa ningun palabra, nan a subie di manera forsa y excesivo den un van cu no tabatin plachi di number di e Polis Nacional.
E polisnan cu a actua, cu a yega na e escena ariba brommer, no a subi den e van den cual nan a bay cu e dokter, ken a keda bao custodia di tres homber bisti manera civil.
Gomez ta candidato tambe di e Partido Reformista Social Cristiano (PRSC) pa bira senador.
