(DiarioLibre) –Ocupacion hotelero pa Semana Santa na Republica Dominicana lo ta alrededor di 50.5 % di e cambernan operativo, segun calculacion di Asociacion Nacional di Hotel y Turismo (Asonahores).
“Nos ta calcula cu e ocupacion mester haya un incremento leve, y yega na 50.5 % di e inventario total di camber den Semana Santa,”Rafael Blanco Tejera, presidente di Asonahores, a declara na prensa. Lo ta trata di e mihor nivel di ocpacion di hotel, registra pa industri turistico di e isla durante e ultimo aña.
E nivel di ocupacion den Semana Santa, di e zona Bavaro-Punta Cana lo ta na 56.7 %, mientras cu Puerto Plata y Samaná lo por registra nivel di 44.2 % y 43.9 %, respectivamente, segun calculacion di Asonahores. Desde cu a reinicia operacion di e hotelnan na juli 2020, e ocupacion tabata varia entre 18 % y 35 %.
Presidente Luis Abinader asigura diadomingo pasa cu economia Dominicano a drenta den un proceso di franco recuperacion y dinamismo y cu e pais ta na vanguardia di e region den loke tin di haci cu recuperacion di turismo.
E hefe di estado, ken tabata acompaña pa primera dama Raquel Arbaje y ministro di Turismo David Collado, a bisa cu Puerto Plata ta y ta sigui siendo e principal provincia den inversion turistico.
Abinader a hiba palabra durante inauguracion di cuatro sistema moderno di purificacion di awa usa, construi pa gobierno na un costo di mas di 78 miyon peso (US$1,4 miyon), a traves di Ministerio di Turismo.
E pais a yega na un situacion mas stabil cu 199 caso nobo diadomingo pasa, cu 37,466 caso activo e mesun fecha. Segun ministerio di Salud, 19% di cama pa Covid-19 ta ocupa, mientras 31% di cama di ICU ta ocupa actualmente. E pais a yega na un total di 211.409 caso di Covid.
