(DiarioLibre) – Organisacion-, institucion- y instancianan integrante di e “Coalicion por la Vida” y Derechonan di Hende Muhe y e Forum Magaly, den aliansa cu otro espacionan activo di e sociedad Dominicano cu ta enfoca ariba derechonan di hende muhe a reclama diasabra ultimo nan derecho di “ta na bida, liber, sigur y cu derechonan pleno.”
Mediante e caminata denomina ‘Suma Tu Poder’, e manifestantenan a denuncia cu, mas cu dos aña despues di e instalacion na poder di e Partido Revolucionario Moderno (PRM), esakinan tin un actitud complica dilanti e atakenan di e banda conservativo contra e derechonan di hende muhe y mucha muhe.
“Den conmemoracion di un otro 8 di maart, fecha riba cual nos ta honra e muhenan cu den diferente momento di historia y diferente luga di mundo, a lucha pa nan derechonan laboral, contra racismo, contra sexismo y pa un sociedad mas igualitario, for di Republica Dominicana, nos ta alsa nos voz y nos ta lanta nos banderanan di lucha pa un sociedad sin desigualdad di genero, clase, raza, nacionalidad of orientacion sexual y pa un mundo unda e muhenan por gosa di derechonan ciudadano pleno,” e representantenan di e Coalicion por la Vida y e Derechonan di Hende Muhe a afirma.
Den e situacion aki nan a referi na e aprobacion den e Senado di un Codigo Penal cu ta manetene e criminalisacion absoluto di e interupcion di embaraso cualificando e como un sentencia di morto pa miles di hende muhe, hoben y mucha muhe den e campo- y barionan mas pober, cu lo nenga nan e posibilidad di atencion medico den un embaraso cu ta pone den riesgo nan bida.
