(DiarioLibre) – E Ministerio di Hende Muhe a presenta “Sara”, un herment digital diseña a traves di inteligencia artificial cu lo sirbi como un canal accesible y confiable pa brinda informacion y orientacion, na hende muhe cu ta enfrenta e menasa di violencia di genero y intrafamiliar, cu e institucion ta ofrece, manera por ehemplo casnan di acogida, asistencia legal y psicologico y e Liña di Emergencia *212.

E minister di Hende Muhe, Mayra Jimenez, a señala cu e sistema aki ta diseña pa brinda informacion confiable y orientacion online.

“Nos ta convenci cu amplia y fortalece e strategianan y e camindanan di acceso na e informacion y servicionan di atencion pa violencia di genero ta crucial pa duna un respuesta integral,” el a destaca.

El a splica cu e hermentnan aki “a wordo desaroya, cu un enfoke den uso, intuitivo y for di un lenguahe facil y amigable, a traves di inteligencia artificial, for di un base di datos cu mas di 170 pregunta y respuesta, cualnan ta wordo combina pa brinda orientacion y referencia, for di un perspectiva di genero, derechonan humano y abordahe integral y interseccional di e tiponan di violencia.”

Di su banda, Inka Mattila, representante residente di e Programa de Nacionnan Uni pa Desaroyo (PNUD) na e pais, a bisa cu esaki ta un ehempel di con por pone tecnologia y innovacion na servicio di e personanan.

“Sara ta un forma nobo y innovador di brinda informacion na e victimanan di violencia di genero, probechando e oportunidadnan cu tecnologia ta ofrece nos pa yega cerca di e personanan cu, pa diferente motibo, por ta di accesibilidad of privacidad, no por informa nan mes of solicita ayudo a traves di mecanismonan tradicional. For di PNUD y Infosegura, nos ta sinti un gran satisfaccion pa compaña e integracion di e herment aki na e sistema di proteccion na Republica Dominicana,” el a agrega.

E chatbot “Sara” ta bay ta disponible ariba e website di e ministerio di Hende Muhe, e lo funciona online, usando algoritmonan inteligente pa adapta su respuesta y brinda apoyo den cada situacion di manera natural, mescos cu ta papia cu un amiga, for di cualkier plataforma of dispositivo electronico.

E lo ta funcionando 24 ora pa dia tur dia y e ta bay ta vincula cu e servicionan cu e ministerio di Hende Muhe ta brinda, como tambe na otro institucionnan di e sistema di proteccion.