Ministerio di Salud Publico a anuncia cu ta continua cu e intervencion comunitario, hunto cu Servicio Nacional di Salud (SNS) y otro institucion. Na turno tabata un operativo di deteccion di coronavirus, mediante aplicacion di prueba PCR y prueba rapido den zonanan di provincia Samaná.
E trabaonan a inicia na e Centro di Diagnostico na e municipio cabecera di e provincia y na e facilidadnan Multiuso di Las Terrenas, unda a atende persona di varios localidad.
Durante e accion, ademas di tuma muestra a entrega kit cu material di proteccion na e personanan cu a acudi na e consulta, a haci bishita na cas pa entrega di e kitnan cu informacion, entre otro accion pa trata di detecta e virus y aplica medida pa evita cu e virus ta sigui plama.
Desde 31 di augustus autoridadnan di salud a reinicia e accionnan den e comunidadnan cu e obhetivo di detecta di manera tempran e virus y tuma e medidanan pertinente pa controla e virus, cu den ultimo cuatro simannan a mustra un tasa di positividad mas abao, di 13.19%.
Den un informe vice-ministerio di Salud Colectivoa specifica cu den e intervencionnan comunitario a aplica 3.834 test rapido, di cual a resulta positivo 714 persona (19%). Ademas a informa cu a entrega 4.718 kit cu material pa cuido di higiena personal, 14.585 articulo di proteccion pa personal di salud y a haci 1.180 bishita na cas. E personanan cu test positivo, ta ser poni den cuarentena na cas si nan ta cumpli cu e condicionnan adecua. E otronan ta bay na lugarnan destina pa cuarentena pa pasa nan periodo di observacion y recuperacion bao vigilancia.
