(DiarioLibre) – E minister di e Presidencia, Joel Santos, a afirma cu e actividadnan delincuente, te cu aworaki den aña 2023, a baha un 14%, den comparacion cu e mesun periodo di aña 2022.
“E actividad delincuente den loke tin di e aña, compara cu aña pasa, ta presenta un reduccion di 14%,” Santos a indica.
Den luna di september e indicador aki a mantene un nivel similar den comparacion cu e luna anterior. E data aki ta parti di e rapport di estadistica semanal cu e presidente Luis Abinader a analisa hunto cu e hefenan di e Polis Nacional, di e Ehercito, di e Armada, di e Direccion Nacional de Control de Drogas y di e Ministerio Publico.
Minister Santos a presenta un resumen na final di un rueda di prensa y e mandatario a bandona e rueda di prensa algun minuut prome.
Den e reunion nan a trata e temanan di operatividad den e invasionnan, ordennan di detencion, control di e fiestanan y buskeda di e criminalnan mas busca.
Santos a revela cu a combersa ariba e modificacion di e structura di incentivonan di e Polis cu e meta di pone riba un liña e obhetivonan cu nan tin pa loke ta trata e reduccion di criminalidad cu e incentivo ey.
E funcionario a bisa cu ta bay tin un metodo cu lo ta totalmente vincula na e logro di e obhetivonan specifico cu nan ta poniendo.
E siguimento cu nan ta duna na e encuentro a inclui mas provincia, yegando ya caba na un cobertura di 73% di nan.
