(DiarioLibre) – Agentenan di Polis Nacional ta bay tin un seguro di bida di Banco di Reserva cu cobertura di un miyon di pesos den caso di fayecimento, morto accidental, inhabilitacion total of parcial y ultimo gastonan.

Asina Jesus Vasquez Martinez (Chu), minister di Interior y Polis, a informa durante un rindimento di cuenta di su cuater añanan di gestion, dilanti e presidente Luis Abinader.

Martinez a sigura cu e medida aki a wordo ordena pa e propio mandatario y cu ta representa e saldo di un debe historico cu, manera Estado, nan tabatin cu e agentenan policial. E no a precisa ki dia e disposicion aki ta bay tin efecto.

“Despues di 88 aña di e creacion di e Polis Nacional, conforma pa hende homber y hende muhe cu ta pone nan bida diariamente den riesgo den cumplimento di nan deber, esakinan no ta conta cu un seguro di bida,” e minister a lamenta.

El a conta cu e educacion y dignificacion di e miembronan di Polis Nacional tabata un urgencia, p’esey, e prome etapa di e transformacion a wordo refleha den e aumento di e salarionan, mehoracion di e infrastructura y e restructuracion di e Sistema Educativo di e Cuerpo Policial.

Den luna di augustus di aña 2020, na comienso di e mandato di e presidente Luis Abinader, un uniforma di e Polis Nacional tabata gana 10.150 pesos pa luna.

“Tres aña despues, na october di 2023, a logra un obhetivo dentro di e Reforma di e Polis Nacional, ora cu un agente policial a cuminsa gana 29.026 pesos pa luna, un salario superior incluso, cu e 500 dollar cu a wordo priminti pa e presidente. Es decir, entre augustus di aña 2020 y october di aña 2023 e salario base di un agente policial practicamente a triplica,” el a indica.

Otro beneficionan tabata e seguro medico di Senasa Maximo, na mesun nivel di e cargonan halto di e ministerio di Interior y Polis.

Ademas, transport gratis den e unidadnan di OMSA, Metro y e Teleferico, acceso na becanan di studiante pa e polisnan y nan yiunan, programanan di formacion continuo, prestamonan a traves di Ban Reservas, descuento den e cadenanan di supermercado- y tiendanan, acuerdo pa e adkisicion di alimentonan a traves di INESPRE y cuminda gratis na e Comedornan Economico.

Tambe nan a logra realisa acuerdonan cu dos di e empresanan di telecomunicacion principal di e pais pa e polisnan ricibi descuento di 10% y 15% den e servicionan di internet.

E minister a manifesta cu nan a cuminsa e prome proyecto di vivienda pa polis, dentro di e Plan di Vivienda Familia Feliz.

Na september di 2023 a pone e prome piedra pa e construccion di 394 apartamento. E prome apartamentonan di e plan aki ta forma parti di e di tres etapa di e compleho residencial Praderas del Norte, na Los Alcarrizos, di cual un 94% ta bay ta destina pa polisnan.

Den luna di maart ultimo a entrega e prome etapa di 128 apartament y den october di e aña aki nan ta entrega otro 122 apartamento nobo.