(DiarioLibre) – E gobierno Dominicano a presenta dialuna su propuesta di reestructuracion y racionalisacion di e administracion publico mediante e union y eliminacion di varios ministerio y entidad den buscando pa spaar 25 mil miyon di pesos.
Durante LA Semanal con la Prensa, e presidente Luis Abinader a bisa cu e propuesta aki nan ta busca elimina duplicidadnan den e institucionnan publico cu e meta di logra un administracion mas eficiente, coherente y alinea cu e prioridadnan di e gobierno.
E mandatario a indica cu e proceso di union y eliminacion lo cuminsa for di awor y cu e 80% di e propuestanan aki mester wordo manda pa e Congreso Nacional.
“Henter e proceso di union of di cambio di structura ta bay wordo planifica for di aworaki y pa e motibo ey mes nos a instala un unidad di reforma cu Dario Castillo y a traves di MAP como ministerio di Administracion Publico, pues nan ta bay realisa henter e proceso for di aworaki,” el a expresa.
Segun e minister di Adiministracion Publico (MAP), Sigmund Freunds, a splica, por lo menos seis ministerio ta bay wordo unifica.
E ministerio di Educacion Superior Ciencia y Tecnologia (Mescyt) ta bay wordo asumi pa e ministerio di Educacion (Minerd), mientras cu e ministerio di Economia, Planificacion y Desaroyo (MEPyD) ta bay uni cu e ministerio di Hacienda, y ta bay bira e ministerio di Hacienda y Economia.
E ministerio Administrativo di e Presidencia (Mapres) ta bay wordo suprimi y ta bay bira “Secretariado Administrativo” bao di e Presidencia; e Instituto Agrario Dominicano (AID) ta bay wordo absorbi pa e ministerio di Agricultura; e Conseho Nacional de Investigacion Agropecuaria ta bay wordo integra na e Instituto Dominicano de Inversion Agropecuaria.
Mientras cu e Adminstrador di Subsidio Social (Adess) ta bay uni cu e programa Superate; e Comision Presidencial de Apoyo al Desarrollo Provincial, Fonvivienda y Familia Feliz ta bay uni cu e ministerio di Vivienda; y e Comedornan Economico ta bay wordo integra cu e Plan Presidencial Contra Pobresa miho conoci manera Plan Social.
Entre e eliminacionnan strategico tin e Caja de Ahorros para Obreros y Monte de Piedad, e Comision Sectorial de la Reforma y Modernizacion del Sector Agropecuario, e Consejo de Desarrollo Dominicano del Exterior (Condex), e Consejo Nacional de Poblacion y Familia y e Comision Presidencial de Modernizacion y Seguridad Portuaria.
Ademas, e Comision Empresarial para el Desarrollo Hipotecario y Fideicomiso, e Comision Internacional Asesora de Ciencia y Tecnologia y e Direccion Nacional de Fomento y Desarrollo de la Artesania.
E minister di Hacienda, Jochi Vicente, a expone cu entre e medidanan pa tuma pa reduci e gasto ta inclui haci mas eficiente e uso di e publicidad estatal, concentrando esaki solamente den e institucionnan cu mester haci uso di dje.
Tambe e prohibicion di e compra di vehiculonan utilitario, di gastonan destina pa eventonan general y celebracionnan di aniversario, como tambe e print di memorianan institucional cu desde aworaki ta bay ta digital.
