(DiarioLibre) – Gabinete di Salud a tene diahuebs un reunion extraordinario cu meta pa duna siguimento na coronavirus na Republica Dominicana y tambe monitor su variantenan nobo.
E informacion a wordo ofreci ariba rednan social pa e vice-presidente di e Republica, Raquel Peña, ken tambe ta e coordinador di e gabinete. Den e encuentro a participa e vice-mandatario hunto cu e director di e Servicio Nacional di Salud, Mario Lama y otro funcionarionan.
“Nos ta suplica pa mantene precaucion durante e dianan di fiesta, usa tapaboca, continua cu e labamento di mannan y vacuna”, Peña a manifesta.
E encuentro a desaroya na momentonan unda cu mundo ta vigilante pa e variante Omicron, cu a cobra su prome victima diahuebs, un pashent Aleman di e grupo di edad entre 60 y 79 aña di edad,
E Minster di Salud, Daniel Rivera, a informa diaranson cu e entidad ta monitor Dominicanonan cu a yega e pais, cu e proposito pa celebra e dianan di fiesta di Pasco, procedente di ciudadnan stranhero unda cu e variante Omicron ta circula.
E Ministerio di Salud Publico a reporta diahuebs cinco fayecimento y un aumento di casonan positivo despues di notifica den e ultimo 24 oranan, 422 contagio nobo, 181 mas cu e dia anterior.
Segun e boletin epidemiologico, diaranson a procesa 7,132 test, 5,890 antigen y 1,242 PCR. Despues di e deteccionnan nobo, Republica Dominicana ta acumula 4,228 morto y 412,685 contagio, di cual 1,765 ta activo ainda. Un total di 406,692 persona a supera e enfermedad.
