(DiarioLibre) – E dirigente politico di Partido Revolucionario Moderno (PRM), Angel Acevedo, a lansa diadomingo su proyecto cu bista ariba e presidencia di Republica Dominicana pa e periodo 2024-2028 y a priminti cu e lo derota e mandatario Luis Abinader den caso cu e dicidi di postula su mes atrobe.
Acevedo a convoca decenas di simpatisante, incluyendo dirigente Guido Gomez Mazara, na un hotel di e Districto Nacional pa anuncia su deseonan di conkista e Palacio Nacional.
Un nota di prensa ta señala cu Gomez Mazara a mustra di ta di acuerdo cu e forsanan nobo interno den RPM pa e fortalecimento di democracia.
Acevedo a manifesta cu su propuesta lo conduci na e solucion di e necesidadnan di e Dominicanonan y cu den e proximo convencion e lo derota Luis Abinader, si e dicidi di postula su mes atrobe.
“Nos ta bay un convencion y nos lo derota presidente Abinader cu nos propuesta”, Acevedo a bisa.
Acevedo, di 62 aña, a nace na sector di Villas Agricolas, Districto Nacional. E ta defini su mes como un politico y lider comunitario di vocacion humano halto.
El a studia ley, contabilidad y administracion di empresa cu diferente estudio na universidadnan den exterior. El a desempeña como auditor y accountant na varios empresa nacional.
Actualmente e ta asesor financiero di Instituto Nacional de Atencion Integral a la Primera Infancia (Inaipi).
