(DiarioLibre) – E crisis na Haiti ta un di e preocupacionnan principal di e votadornan Dominicano, hunto cu e crimen y seguridad, y ta sugeri un inkietud profundo pa e incumplimento di e ley na e frontera.
E Dominicanonan ta sinti e efecto di e crisis: e 60% ta kere cu e tin un impacto importante na Republica Dominicana. E creencia ey ta mas fuerte na Santo Domingo, unda e 70% ta kere cu e crisis Haitiano tin un impacto importante riba nivel interno.
E situacion na Haiti ta pisa hopi riba e mente di e votadornan mientras nan ta prepara pa acudi na e urnanan. Mas di e mita (64%) ta kere cu e crisis ta hopi of algo importante na momento di dicidi pa ken nan ta bay vota den e eleccionnan presidencial.
Y den un forma abrumador, e mayoria di e votadornan ta bisa cu e presidente Abinader lo haci e miho trabao, entre e candidatonan, den e maneho di e tema en cuestion.
Sinembargo, esey no kiermen cu e votadornan ta pensa cu e situacion ta mustra bon. Den general, e frustracion pa e situacion a keda resalta den e evaluacion di e Dominicanonan tocante e maneho di e crisis di parti di Abinader.
Aworaki, e 47% no ta aproba su maneho ariba e tema, compara cu e 39% den luna di november ultimo.
E Dominicanonan ta den mesun liña den gran medida ora cu ta trata e politica di Abinader ariba e tema, a pesar di nan frustracion. Un 75% ta aproba firmemente e decision di Abinader di acelera e construccion di e muraya na e frontera y e 88% ta aproba esaki den general.
E construccion di e muraya na e frontera y e deportacionnan di Haitianonan promovi pa e gobierno no a provoca un reaccion general y e mayoria ta di acuerdo cu e dos politicanan aki lo ta mas efectivo pa protege Republica Dominica di e problemanan pafo di e frontera cu persuadi Merca pa manda mas ayudo financiero pa Haiti of cu establece un Mision di Paz di ONU a traves di e frontera.
A pesar di esaki e descontento persistente di e Dominicanonan cu e crisis na Haiti ta menasa cu daña e apoyo pa Abinader den futuro, den corto plazo, esnan mas preocupa ta haya trankilidad den su liderazgo y den su agenda politico.
A pesar di algun duda, e 55% di e votadornan ta confia cu Abinader lo haci e miho trabao den e maneho di e problemanan na Haiti.
“E preocupacion pa e seguridad, tanto general como specialmente den loke ta trata e crisis na Haiti, ta beneficia Abinader y RPM,” Anna Greenberg, ken a co-dirigi e encuesta, a bisa.
“E Dominicanonan ta profundamente preocupa pa loke ta sucediendo na Haiti y nan ta wak Abinader como un lider fuerte cu ta miho ekipo pa mantene e frontera sigur y contene e crisis,” Greenberg a conclui.
