Ministerio di Salud Publico a informa cu ta wardando e resultadonan di e prueba di laboratorio pa confirma o descarta e virus COVID-19 riba seis otro pacient, mientras cu e conteo di caso confirma ta na cinco.
E informacion a bin di e periodista Carlos Suero, director di Comunicacion di ministerio di Salud, ken a sigura cu a reforsa vigilancia en torno di e señora cu a sali positivo pa e virus y cu ta actualmente den isolacion domiciliario na Villa Riva, provincia Duarte.
No a duna detaye di e pacientnan di cualnan ta wardando resultado di laboratorio pa cu e virus. El a informa si cu actualmente tin 47 persona cu ta bao vigilancia pero na nan hogar pa un periodo di 14 dia pasobra nan tin historia di biahe den pais cu posible riesgo di coronavirus.
Suero a ripiti su yamado na e poblacion pa no bay tras di rumor y a señala cu e informacionnan oficial ta emiti solamente pa ministerio di Salud Publico.
El a splica cu pa un pacient por ta den cuarentena na su cas e mester reuni cierto condicion, manera e caso na Villa Riva, cu ta biba su so. Te na e momento aki e pais a confirma cinco caso importa di e virus.
