(DiarioLibre) – E presidente Luis Abinader a destaca dialuna ultimo e esfuersonan cu su gobierno a haci contra corupcion y a bisa cu e no lo suavisa su esfuersonan pa crea e condicionnan cu ta permiti un desaroyo sostenibel di e pais cu integridad.
El a indica cu el a logra garantisa e independencia di e Procuradoria General di Republica Dominicana y a crea den e Contraloria General, e Unidad di Auditoria Interno pa fiscalisa iregularidadnan y e Unidad Antifraude pa investiga casonan di fraude contra e Estado.
Ademas el a recorda cu el a conforma un ekipo legal pa recupera fondonan publico desvia ilicitamente.
E Unidad Antifraude lo identifica hechonan fraudulento y lo determina e posibel responsabelnan pa hiba nan te Ministerio Publico den e casonan cu ta den nan competencia.
Otro accionnan menciona tabata modernisa e Ley di Contratacionnan publico, mehora e regulacion estatal, simplifica tramitenan pa reduci e corupcion y promove leynan pa extingui e dominio di bienes ilicito y administra bienes confisca di narcotrafico.
E mandatario a bisa cu e esfuersonan aki a reverti e impunidad y a pone su pais na di cinco luga regional den capacidad di lucha contra corupcion segun e indice di Capacidad pa Combati Corupcion 2023.
Cu e metanan aki e gobierno e somete un proyecto di ley na Congreso cu e meta di duna mas poder pa sancion contra e funcionarionan cu ta comete corupcion administrativo.
