E Republica Democratico di Congo ta bolbe conoce un epidemia di e virus conoci manera Ebola. Esaki ta e di dos epidemia cu nan ta conoce desde esun di 2014. Te na e momento aki tin un total di 1009 caso registra, di cual 944 ta confirma y 64 ta ser considera como ‘probabel’.
Di e cantidad di caso cu tin, 629 di nan a conduci na morto di e personanan cu a contrai e virus aki. E epidimia a inicia desde augustus di 2018 y te ainda no tin ningun caso registra internacionalmente of pafo di e Republica Democratico di Congo. Gobierno di e republica a hisa e seguridad nacional tumando na consideracion cu tabata tin dos atake riba centronan di tratamento di Ebola.
E organisacion WHO cu ta encarga su mes cu salubridad mundial ta monitoreando henter e situacion y a percura pa ya caba 96 mil persona wordo vacuna contra di e virus di Ebola.
