Ayera tardi e bolichero, Kamilah Dammers a biaha pa Rio de Janeiro, Brazil unda e lo atende e Foro Suramericano organisa pa ODESUR. Representando e Comision di Atleta di Aruba, Kamilah lo bishita e centro di entrenamento di Comite Olimpico di Brazil.
E diabierna lo tin varios sesion di entre otro alto rendimento, safe sport, hende muher den deporte, marketing y sostenibilidad. Tambe Kamilah lo topa cu otro representante nan di Comision di Atleta di Sur America unda lo intercambia idea pa mehoracion riba tur area di deporte den e continente.
Diasabra lo ta un dia mas bien di networking mientras den oranan di atardi lo tin un tour na Pão de Açucar y anochi un dinner pa clausura e Foro di ODESUR.
