E periodista investigativo y reportero di crimen Peter R. de Vries, a ser tira awe na Amsterdam, y a ser hiba hospital den estado critico. De Vries, cu den su carera a cubri entre otro e caso di Nathalee Holloway na Aruba, banda di varios caso notable na Hulanda mes, manera e secuestro di Freddy Heineken, a papia na varios ocasion na television Hulandes tocante su informacion den investigacion di caso importante.
E tiroteo a tuma lugar tempran diamars anochi, despues cu de Vries a aparece den e programa di television RTL Boulevard. Video ta mustra de Vries benta abao riba caya, sufriendo di un aparente tiro den cabez. Polis di Amsterdam ta buscando posible sospechoso, urgiendo publico en general pa suministra informacion na polis.
