(CNET) – Un reporte di Senado publica ayera a yama varios agencia federal bin dilanti pa practicanan debil pa cu seguridad cibernetico.
Entre otro, e reporte di 47 pagina di Comite di Seguridad Nacional y Asuntonan Gubernamental a bisa cu siete di e ocho agencianan federal cu a evalua a faya di implementa practicanan base di seguridad cibernetico pa protege informacion personal identificable, creando un riesgo significante pa privacidad y seguridad di data di Mericanonan.
E reporte tambe a haya cu algun agencia a faya di instala updatenan basico di seguridad y patches, mientras otronan tabata usando sistemanan no autorisa. Siete di e agencianan tabata usando sistemanan legacy of caduca.
“For di SolarWinds te atakenan reciente di secuestro cibernetico (ransomware) contra infrastructura clave, ta cla cu atakenan cibernetico ta bay keda bin y ta inaceptabel cu nos propio agencianan federal no ta haciendo tur lo posibel pa salvaguardia data di Merca”, segun Sen. Rep. Rob Portman, miembro di e comite.
E hack di SolarWinds a afecta un cantidad di agencianan federal. Victimanan tabata inclui oficialnan di nivel halto na Departamento di Seguridad Nacional, mustrando cu ni e agencia gubernamental encarga di defende Merca for di atakenan cibernetico tabata immuun di e menasa creciente di atake cibernetico.
Administracion di Biden recientemente a revela varios esfuerso pa mehora practicanan di seguridad cibernetico na tur agencia federal, incluyendo un orden ehecutivo y un plan di $20 biyon pa sigura infrastructura di e pais contra atakenan cibernetico.
E agencianan evalua den e reporte bipartisano ta inclui Departamento di Seguridad Nacional, Departamento di Estado, – di Transporte, – di Vivienda y Desaroyo Urbano, – di Agricultura, – di Salud y Servicionan humano, – di Educacion, y e Administracion di Seguridad Social.
