(NLTimes) – E skema cu a haci mas facil pa e restaurantnan Asiatico trece chef Hulanda lo keda elimina na comienso di proximo aña, segun Minister di Asuntonan Social Karen van Gennip riba diabierna. E skema, cual a existi desde 2019, a ser suspendi aña pasa despues di señal di abuso y explotacion a bini dilanti.
E Gabinete a tuma e decision aki despues di un reportahe cu e Inspectorado di Labor cu a declara cu mita di e establecimentonan di catering Asiatico cual a ser bishita pa e inspectornan a resulta di ta den violacion di tur e reglanan. Un cantidad di dunadornan di empleo ta involucra den e trafico humano y empleo ilegal, e inspectorado a bisa.
E abuso a bini dilanti na comienso di aña pasa despues di un investigacion haci pa Trouw y De Groene Amsterdrammer. Aparentemente a explota chefnan den algun caso, of e chefnan a paga un suma grandi pa biaha Hulanda pa empleo mientras cu en realidad no tin trabao pa nan. Tambe tabatin señal di delegacionnan Hulandes na China cu tin abuso di e skema aki.
E skema a keda introduci pa motibo cu e sector di hospitalidad Asiatico a enfrenta un escasez di chef specialisa. Restaurantnan a ricibi e oportunidad di contrata empleadonan fuera di e Union Europeo cu mas facilidad.
Apesar cu e skema lo keda retira, te ainda ta posibel pa e sector di hospitalidad Asiatico trece empleadonan di fuera di e Union Europeo na Hulanda, sinembargo nan lo enfrenta restriccionnan di mesun manera cu otro sectornan den e industria. Esaki ta nifica cu e dunadornan di empleo prome mester purba yena e vacatura cu personal dentro di e Union Europeo prome cu nan contrata fuera di esaki.
