(AP) — Un temblor di magnitud 5.0 a sucede na nort occidente di Republica Dominicana ayera, cerca di frontera cu Haiti.
E temblor a sucede na un profundidad di 19km net west-nortwest di Las Matas de Santa Cruz, segun US Geological Survey.
Oficialnan na Republica Dominicana a bisa cu a sinti e temblor na e pueblo fronteriso di Montecristi bayendo te den sur na e capital di Santo Domingo. Tabata e temblor mas fuerte cu a sinti na e pais e aña aki, segun geologo Dominicano, Osiris de Leon a bisa.
Jenrry Castro, alcalde di e pueblo nort occidental di Villa Vazquez, a post riba X – anteriormente conoci como Twitter – cu a reporta daño menor na dos scol. Productonan tambe a cay for di reki na supermercadonan den e area, el a bisa, agregando cu ploegnan tabata inspeccionando tur scol y edificionan municipal den e pueblo.
E temblor a tuma lugar den un area cu a bira un punto central den un disputa di frontera andando entre Haiti y Republica Dominicana.
No a reporta herida of daño inmediato na Haiti.
E isla di Hispaniola, comparti pa Haiti y Republica Dominicana, ta sinta riba e fault zone Enriquillo-Plantain Garden, segun US Geological Survey.
