(NLTimes)—E averahe di rent pa acomodacion cu no ta regula a baha un tiki den e prome kwartaal di e aña aki compara cu un aña prome. E prijs en averahe di un vierkante meter tabata 16,85 euro, cual ta un reduccion di casi 2% pa aña. Den e prome tres lunanan di 2022, e prijs pa cada vierkante meter ainda tabata na 17,18 euro, segun plataforma di acomodacion Pararius a reporta diaranson a base di ofertanan di huur riba su website.
Despues di un reduccion chikito riba nivel nacional, Pararius a nota algun aumento di prijs significante den varios ciudadnan grandi y mediano. E prijs en averahe di vierkante meter den un gran parti di Den Haag a aumenta cu 6.4% compara cu e aña prome. Esey ta conta pa 18,18 euro pa cada vierkante meter.
Rent tabata 5.7% mas halto na Amsterdam, cual ainda tin e prijs mas halto pa cada vierkante meter, esta 25,68 euro. Di e 15 ciudadnan mas grandi na Hulanda, Nijmegen cu Groningen so a mira un reduccion den prijs den sector liber.
Director di Pararius, Jasper de Groot, a bisa cu e aumento den e ciudadnan ta mas tanto pa via di un demanda cu ta supera oferta den e mercado di acomodacion. Segun e, esey a wordo causa parcialmente pa e ley di Minister Hugo de Jonge (Acomodacion y Planificacion Spacial) cu ta pone un prijs maximo den e sector liber.
A resulta cu mas di 327.000 hogarnan for di e segmento liber mester cambia pa huur mas barata, y hopi huurdo no ta considera eligibel mas pa esakinan pasobra nan salario ta hopi halto.
Algun propietarionan tambe ta bay bende nan acomodacionnan di huur. “E casnan aki ta bay bek den mercado pa e salarionan mas halto, pues otronan ta wordo pusha na banda,” segun de Groot.
