(AP) – Britania a revela plan di regula algun criptomoneda cmoo parti di un plan mas amplio di bira un punto global pa pagonan digital, mirando cu autoridadnan na Merca y Europa tambe ta biniendo cu reglanan pa cu criptomoneda.
Criptomoneda a explota den popularidad, lagando oficialnan mundialmente coriendo pa busca manera di regula e uso di esaki den medio di preocupacion cu esaki port a un menasa na e stabilidad financiero y causa dano na consumidornan. “Reino Uni ta habri pa negoshi, negoshi di criptomoneda,” John Glen, secretario di economia pa e Tesoreria a bisa den su speech dialuna.
Hefe di e departamento Rishi Sunak tambe a pidi Royal Mint pa crea un colectibel digital conoci como NFT como un “emblema cu lo representa e posicion cu Britania ta determina pa tuma,” Glen a bisa.
Proponentenan di criptomoneda a bisa cu e tecnologia lo haci pagonan hopi mas lihe, facil y transparente mientras cu e personanan cu ta duda ta bisa e por ser usa pa actividad illegal y labamento di placa, pero tambe contribui na emision di carbon pa causa di e poder di computer necesario pa procesa e transaccionnan. Luna pasa, Merca a dicidi di mehora e gobierno su bista riba criptomoneda mientras cu autoridadnan den Union Europeo a bay di acuerdo pa crea reglanan relaciona cu bienes den criptomoneda.
Glen a bisa cu e gobierno tin plan di actualisa leynan riba pagonan pa asina inclui un tipo di criptomoneda yama stablecoins pa asina encurasha su crecemento y permiti esaki opera y crece na Reino Uni. Stablecoins usualmente ta mara na dollar of e comodidad manera oro, haciendo esaki mas stabil compara cu criptomonedanan manera bitcoin, cual su balor ta subi y baha drasticamente.
“Esaki tambe lo permiti cu e consumidornan por usa stablecoin pa paga servicionan cu confiansa,” Glen a bisa, sin specifica cua stablecoins lo ser regula.
