![Virus Outbreak Drone Deliveries](https://www.bondia.com/wp-content/uploads/2020/05/Reino-Uni-ta-test-uso-di-drone-pa-entrega-suministro-na-hospital--696x343.jpg)
Reino Uni ta test uso di un drone tamaño di un auto pa entrega suministro medico mas rapidamente na hospital y yuda alivia presion di sistema di salud di e pais durante e crisis di novel coronavirus.
A completa e prome entrega den weekend, momento cu un drone cu hala grandi a bula den shelo for di un aeropuerto den costa sur di Inglatera. El a aterisa dies minuut despues na un campo aereo cerca di Isle of Wight 12km leu, unda a transporta su cargo di muestra di patologia via auto na e hospital.
E programa di test a ser acelera pa motibo di e pandemia, cu a mira casi tur biahe y transporte efectivamente shut down rond mundo, mientras autoridadnan ta purba distancia hende pa limita contagio.
Autoridadnan manehando e programa di drone ta bisa cu entreganan aereo ta reduci costo y tempo di transporte di suministro medico vital, particularmente durante un crisis di salud manera pandemia di COVID-19. Ta spera cu lo usa nan unicamente den algun caso selecto unda hospitalnan ta particularmente dificil di yega.
“Tin hopi area den Reino Uni cu tin mal conexion logistico, y e aeronave aki ta un solucion pa esey”, a bisa James Scanlan, profesor di diseño aeroespacial na Universidad di Southampton, cu ta colaborando den e proyecto. “E tin un carga hopi importante, y nos ta realmente un nacion isla – nos tin hopi comunidad chikito unda algo asina por conecta hende di forma barata y eficiente.”
Den caso di Isle of Wight, por ehempel, suministronan medico incluyendo obhetonan vital manera sanger y medicina, actualmente ta entrega via ferry di cargo of pasahero, cu ta dura alrededor di un ora, of mediante un avion tradicional, cu ta caro. Biahe di ferry recientemente a reduci pa preveni transmision di coronavirus.
“Ta un stap dilanti den e hecho cu ta dunando entrega na un velocidad mas halto”, segun Conrad Haigh di Solent Transport, dirigiendo e proyecto. “Tin algun servicio (di salud nacional) cu ta rekeri un entrega na tempo y algun di e aspectonan aki ta bay wordo facilita den un manera hopi miho.”
Mientras e drone a despega, team na ambos banda di e Solent Strait a monitor su progreso. Mayoria di e vuelo, incluyendo despegue, tabata automatico. E team a step in pa un aterisahe exitoso, maske e plan ta pa esey tambe bay automatico.
A usa drone aereo sin piloto den paisnan manera Rwanda pa entrega suministro medico na comunidadnan isola. Un proyecto na Suisa ta usa drone pa ferry muestranan di laboratorio a traves di e ciudad di Zurich.
Reino Uni ta tumando un maneho cuidadoso. E proyecto di cuatro aña den costa sur tin como meta pa desaroya e prome sistema di maneho di trafico aereo pa maneha aeronave tanto cu of sin tripulacion den espacio comparti.
Luna pasa, hefe di transporte Britanico a anuncia plan pa fast-track test pa motibo di pandemia di coronavirus.