Test di un vacuna experimental pa COVID-19 a cuminsa cerca boluntarionan saludabel na Reino Uni diahuebs, e estudio mas recien den un cluster di estudionan di etapa trempan den buskeda di proteccion contra coronavirus.
Investigadonan di Universidad di Oxford a duna inyeccion na boluntarionan den un estudio cu eventualmente tin meta di inclui centenares, cu speransa di no solamente sa si e vacuna ta safe, sino tambe si e ta traha.
Investigadonan a crea e vacuna nobo door di inserta genes pa un proteina ‘spikey’ cu ta pega cambia e superficie exterior di e coronavirus nobo den otro virus no dañino.
E idea: sistema immuun lo haya e proteina stranhero y traha anticurpa pa combati e, prepara pa reacciona rapidamente si eventualmente e persona ta exponi na COVID-19.
E tipo di estudionan aki usualmente ta duna boluntarionan sea e vacuna real of un placebo. Pero e vacuna experimental aki por causa brevemente malesa y kisas un kentura leve — cu ta nifica cu si un placebo tabata e comparacion, e participantenan por haya sa ken a haya e vacuna real, segun Dr. Andrew Pollard, un di e investigadonan chief di Oxford.
“Esey por influencia comportamento di hende, kisas haci nan mas probable di ser exponi na e virus”, cu na su bes lo haci mas dificil pa proba si e vacuna a traha, Pollard a bisa AP.
Pues e team di Oxford a dicidi cu mita di e boluntarionan lo ricibi un vacuna bieu contra otro malesa cu no ta ofrece proteccion pa COVID-19 pero tin efectonan similar.
“Ta parce lo corecto pa haci — pa sigura cu por combati e malesa aki y sobrepasa esaki hopi mas lihe”, boluntario Edward O’Neill a bisa BBC.
Decenas di potencial vacuna ta den varios etapa di desaroyo rond mundo. Expertonan a adverti cu hasta si estudionan trempan bay bon, lo dura sikiera un aña prome cu cualkier vacuna ta disponibel pa uso amplio.
Entre esunnan haciendo progreso mas lihe: CanSino Biologics di China a cuminsa e segundo fase di test su vacuna, traha cu un sistema similar na esun di Oxford.
Dos compania Mericano ta test vacuna traha di copianan di un piesa di e codigo genetico di e virus. Dos otro candidato Chines ta den proceso, cu ta usa tecnologia mas bieu.
