(CuraçaoChronicle) – Riba diabierna, Conseho di Minister di Reino a duna luz berde pa duna sosten di likides na Corsou den suma di 76 miyon florin. E pregunta ta si esey ta bay ta suficiente pa cubri e obligacionnan di pago te fin di aña, pero al menos ta bay duna gabinete Pisas, cu mira riba un tesoro nacional bashi, un tiki espacio pa hala rosea.
E prestamo di 76 miyon florin (40 miyon dollar) no tabata disponibel anteriormente pasobra Corsou no tabata cumpli cu e condicionnan. Si esey awo ta e caso, ainda no ta cla. E lista di decisionnan di Conseho di Minister di Reino simplemente ta declara cu ‘awo a tuma e pasonan necesario den implementacion’.
Sint Maarten ya anteriormente a ricibi e sosten di likides necesario pa e di cuatro kwartaal na september. Aruba ainda no ta eligibel pa un siguiente prestamo, pasobra no a cumpli cu tur condicion – incluyendo e reduccion di gasto den AZV.
