(AP) – Reina Elizabeth II tabatin un sonrisa grandi mientras cu el a atende e ultimo dia di e caredanan Ascot riba diasabra, unda cu manifestantenan di e topico di medio ambiente a urgi e monarca pa pone presion ariba e politiconan pa asina logra cu nan actua mas lihe contra e cambio di clima.
E reina di 95 aña di edad, ken ta un fanatico grandi di careda di cabay y ta doño di un cabay di careda, tabata atende tur careda di Ascot tur aña durante su reino di 7 aña. Aña pasa e tabata ausente ora cu e evento a ser teni sin publico pa motibo di e pandemia di coronavirus. Su regreso a bin dos luna despues di e fayecimento di su casa prins Philip, ken a fayece cu 99 aña di edad.
E reina a bisti den berde menta y un pechi cu ta den mesun color di su vestuario, y a ricibi aplauso di e audiencia na momento di su yegada, pa por apoya su 4 cabay di careda cu tabata competiendo riba e dia aki. E tabata hari y smile mientras e tabata inspecciona un di su cabaynan cu a competi yama “Reach for the Moon”, despues cu el a keda na di dos luga.
E careda anual di cabay yama Ascot ta tuma laga den London, y ta un mescla di diferente cabay cu pechi nan extravagante, audiencia cu vestuario deftig, champagne y algun comestibel.
Manifestantenan di e grupo Exctinction Rebellion, cual ta un grupo di manifestacion cu ta enfoca riba e topico di medio ambiente, a aparece na e sitio cu poster cual tabata forma e frase “Racing to Extinction” (un careda den direccion di extinguicion). E grupo a declara cu 6 hende muher a mara nan mes na e heki di e sitio cu e meta di ser mira pa e reina, sinembargo reina Elizabeth II no tabata den e area den e momento aki.
