Legisladonan di California a pone norma mas duro pa locual ta trata vacuna, pa motibo di testimonio di centenares di opositor, tanten cu e nacion ta sufri e mayor number di caso di sarampi despues di varios decada.
E comite di salud di e senado a aproba e propuesta cu lo otorga e funcionario di estado di salud publico, na luga di medico local, e poder di dicidi cua mucha por keda sin vacuna prome cu bay scol.
E comite a actua a pesar di mas di tres ora di oposicion emocional di parti di mayornan y algun mucha, y despues di pasa un otro ora debatiendo si mester fiha un linea entre derechonan individual y siguridad publico.
Senador democrata Richard Pan, di Sacramento, a bisa cu legislacion lo brinda funcionario di salud di e estado e hermentnan cu nan mester pa preveni malesa cu por wordo evita cu vacuna, manera sarampi.
“Si nos continua permiti cu informacion medico falso aumenta, nos lo tin mas malesa y esey mester stop”, Pan a bisa.
Opositornan di e proyecto di ley di Pan, incluyendo miembronan di derecho di mayornan, grupo religioso, dokter, y otro profesional di salud, a bisa cu e medida ta pa elimina e derecho di mayornan, y no necesariamente pa preveni e malesa sigui core rond
“Awo nan ta sigui nos, mayornan cu nos yiu a resulta malo pa motibo di vacuna y di dokter. Nos no por keda keto mas. Nos yiunan ta herida”, Christina Mecklenburg a bisa, kende su yiu di dos aña a haya vacuna, y esaki a lag’e cu paralisis ocular. E no lo ricibi un excepcion medico si proyecto di Pan bira un ley.
