Mescos cu den caso di AruBIG, tur instancia di cuido di salud tambe mester registra na Departamento di Salud Publico di Aruba.
Un instancia di cuido sea cu eta un eenmanszak, compania, fundacion of cooperativa cu ta duna cuido na Aruba. Conforme art. 2 di e Ordenansa nacional calidad den cuido di salud (Landsverordening kwaliteit in de gezondheidszorg) esakinan mester registra pa por sigui brinda servicio, pero tambe si nan kier tuma personal den servicio cu mester cumpli cu e registro di AruBIG.
Mas ainda, solamente e instancia di cuido registra mag di tuma un profesional den cuido den servicio. Pa registra por acudi e website di dvg cu ta www.dvg.aw/arubig full abou riba e pagina riba e seccion di “register zorgaanbieders”. Eynan por haya informacion tocante tur documentacion rekeri pa por registra e instancia di cuido.
Algun instancia a registra caba hunto cu AruBIG, pero e enfoke awor ta pa tur instancia tambe ta registra. E ultimo dia pa registra ta 31 di maart 2022. Pa mas informacion por tuma contacto cu e seccion concerni na kwaliteitsinstituut@dvg.aw of na tel: 522-4244.
