(RTL Nieuws) Registro di esclavo di Corsou lo bay online den augustus, asina a anuncia ayera. Modianne Cathalina di Archivo Nacional Corsou ta bisa cu esaki ta importante pa hopi hende, bisando cu “bo tin cu sa bo historia di bo famia pa bo sa kende bo ta”.
Den e registronan ta para 21.500 number di esclavisado (‘doño di esclavo’) y di personanan cu entre 1893 y 1863 tabata biba como esclavo na Corsou. Entre e informacion cu tin den e varios bukinan, tin datonan di nacemento, fayecimento, ki dia a cumpra nan, y ki tempo nan a bira personanan liber, no considera como propiedad mas. Antes e informacion aki tabata disponibel solamente fisicamente na e Corsou su Archivo Nacional.
Pa Naomie Pieter (30) e digitalisacion lo bay hunga un rol hopi importante riba e dia nacional di Corsou pa refleha riba sclavitud, esta 17 di augustus. Su mayornan ta di Corsou, y pa prome biaha ora el a bira 20 aña di edad el a bay aya. Desde e tempo ey e ta interesa den haya sa mas tocante e historia di su famia.
Pieter a crece cu stereotipo negativo di hende di Corsou, “ora bo tende e tipo di cosnan ey bo ta puntra bo mes kico esey ta bisa di bo. Pero ora mi a bay Corsou mi a wak hende den posicion halto cu tabata parce mi, mi a bay den tiendanan unda tur hende tabata papia mi idioma. Pa e rason ey mi a bira mas curioso pa haya sa di mi famia su historia”.
