E echo cu prome cu dia 28 di april venidero tur compania acuatico mester aplica pa un permiso nobo, tanto departamento Maritimo (Directie Scheepvaart)como DIP lo por hiba un miho control, y literalmente organisa tur actividad riba beach pasobra el a “bay fei di man”, segun miembro di e team di maneho di departamento Maritimo, sr Carlyle de Couteau.
Dor di e re aplicacion di permiso ta wordo defini e tipo di actividad specifico cu e compania acuatico ta bay ofrece na nan clientenan y e sitio unda nan lo ofrece nan servicio.
Miembro di e team di maneho di departamento Maritimo, sr Carlyle de Couteau a declara cu tin compania cu a haya permiso ya cu ora nan a aplica nan a bisa cu ta pa un actividad particular pa ehempel Sea doo, pero despues hopi cos a bin acerca. El a splica cu dor di e maneho nobo lo bay determina si un compania cu pa ehempel ta haci See doo, e por ofrece tambe Banana Boat.
Tambe compania acuatico cu ta aplica pa un permiso mester bin cu un seguro valido pa un aña, y no mas pa un par di luna. Departamento Maritimo ta bay ta controlando y inspecciona e compania acuatico nan ekiponan cu nan ta opera cu cun’e. “Nos ta haciendo e control caba pero awor e ta bay ta mas rigido”, el a bisa.
Companianan acuatico
Actualmente departamento Maritimo tin registra mas cu 100 y pico compania acuatico. Eventualmente e cantidad aki lo por bira menos ya cu podise di e 100 y pico compania cu nan tin registra, varios di nan no ta operando mas pa un par di aña caba.
Kiermen apesar cu nan no ta operado mas, nan tin nan permiso. Segun sr. de Coteau esaki no ta un preocupacion grandi pa departamento Maritimo; ya cu nan preocupacion principal ta e companianan cu no tin permiso pero cu si ta operando riba beach. Tambe ta existi e posibilidad cu nan ta operando riba e capa di otro compania. E registracion di tur compania acuatico cu lo desea sigui opera riba beach lo facilita pa ambos departamento lo por hiba un miho control.
.jpg "Philipine van Aanholt 26 luga prome dia Laser Radial Weganan Olimpico")
