(NLTimes) – Cuminsando for di e luna aki, Cardiology Centers Netherlands (CCN) y Amsterdam UMC ta cortando e training di echocardiografia pa refugiadonan cu tin un antecedente medico. Nan ta kere cu refugiadonan cu experiencia medico por completa e training aki mas lihe, y esaki lo yuda nan haya trabao mas facil y yuda cu e escasez di empleado den departamento di cardiologia.
Aernout Somsen, cardiologo y co-fundador di CNN, a bini cu e idea aki despues cu el a realisa cu tin hopi dokter y enfermero den e refugiadonan. “Mi a pensa, dicon nos no ta duna nan training un biaha mas y laga nan bira echocardiografo cu por resolve e escasezden e hendenan specialisa aki.”
Pashentnan cu problema cardiovascular ta enfrenta espera largo pa causa di e escasez aki. “Pa e pashentnan aki, hopi biaha bo mester di un echo pa asina mira con nan curason ta funcionando of e funcion di e valve. Esaki ta un parti importante di e diagnostico. E proceso importante aki ta ser stroba pa motibo cu nos no tin suficiente hende cu por haci e echo aki.”
Somsen a uni na Goldschmeding Foundation pa yuda desaroyau un version special y mas cortico di e training pa refugiadonan cu tin un antecedente medico. “Na final di dia, ons kier yuda solucioan e escasez den e sector aki rapidamente. E personanan aki tin un gran set di conocemento y habilidadnan, cual ta nifica cu nan por rapidamente yega e nivel cu ta rekeri. Nos kier train e specialistanan nobo cada 6 luna. Ora cu nan obtene nan diploma, automaticamente nan ta haya un trabao cu nos.”
