Dialuna atardi mientras den Congreso di Republica tabata debati e reforma tributario, miles di persona a reuni den un cacerolaso masivo pafo, loke a yena e Plasa Bolivar na centro di Bogota.
Arma cu weanan y produciendo un zonido fuerte, manifestantenan tabata exigi pa congresistanan vota negativo pa e texto cu Gobierno a presenta y yama ‘Ley di Crecemento’, cual ta trece privilegio tributario pa empresanan grandi, cu no a ricibi di bon manera den opinion publico y den un aña di vigencia di e ley aki no a produci e resultado cu tabata espera den materia di genera empleo.
Ta destaca cu e ‘Ley de Crecemento’ ya a ser presenta aña pasa bou di e nomber ‘Ley di Financiamento’, cual a ser cancela pa Corte Constitucional pa vicionan den e procedura di su aprobacion.
Gobierno a bisa cu ta di hopi importancia pa aproba e norma aki prome cu aña caba, pa motibo cu ta core riesgo cu Estado lo keda sin finanzas si esaki no ta logra, pa loke a yama varios sesion ordinario cu presidente Ivan Duque y a manda un mensahe di urgencia, loke ta nifica cu Congreso lo sigui den sesion pa loke resta di luna di december y cu e prioridad di agenda ta pa aproba e reforma aki.
Hopi di e congresistanan ta opone pa e iniciativa y ta sostene algo parecido, tambe nan a acusa cu e proyecto, mas cu beneficio y incentivo pa empleo y crecemento economico, ta ser uza pa ‘cuadra e caha’ y duna bek fabor pa financiadonan di e campaña di e presidente, manera e Senador liberal Juan Fernando Velazco a afirma.
