Landspakket di Corsou, como parti di e plan di reforma Caribense di Hulanda, tin cuatro area tematico: gobierno y finanzas, reforma economico, cuido di salud, y reforsa estado di derecho. Aki un bista di e parti di reforma economico.

E Entidad pa Reforma y Desaroyo, cu ainda mester establece, lo implementa e landspakket como programanan coherente. Maske priorisacion den implementacion ta deseabel y necesario, y tin diferencia den e magnitud di e efectonan di reforma, solamente un maneho integral por ta capaz di provee e ruptura necesario di tendencia di pasado.

Reforma economico
 Pa largo, e Fondo Monetario Internacional (IMF), reportenan di investigacion di varios institucion, CFT, y organisacionnan di sociedad civil a insisti riba e necesidad di reforma economico. E mercado laboral rigoroso y clima di negoshi desfaborabel ta obstaculonan structural pa crecemento economico.

E sistemanan di seguridad social no ta contene suficiente incentivo pa curasha participacion laboral, ni e seguridadnan pa maneha problemanan social. Ademas nan ta bira (a largo plaso) impagabel. Mester elimina e obstaculonan aki pa por utilisa e potencial economico di e pais miho.

E reforma y medidanan relaciona na e reformanan economico mester conduci na un economia resiliente, dinamico y fuerte, y un sistema di seguridad social robusto y pagabel, cu ta pone incentivo den e luga corecto.

Medidanan
 Un analisis integral di e politica di mercado laboral actual, legislacion y regulacionnan lo ser ehecuta, riba lo actualisa y modernisa e politica di mercado laboral.

Medidanan manera reduccion di orario di trabao, trabao part-time, contractnan di termino fiho, relahacion di ley di retiro, eliminacion di obstaculonan pa contrata trahadonan stranhero, empleo ilegal, y combati desempleo hubenil lo ser inclui den e analisis.

Basa riba esaki ta desaroya y implementa propuestanan. En todo caso, lo discuti pa combati economia informal y labor ilegal. Tambe mester combati empleo ilegal di trahadonan stranhero.

E provision di seguridad social lo tin un funcion di activacion, cu e incentivonan corecto, mientras na mes momento ta sigura pa un ‘safety net’ social adecua. Lo desaroya propuestanan y implementa esakinan basa riba investigacion existente of adicional.

Lo aumenta edad di retiro na 67 aña (66 na 2023 y 67 na 2025) y schema di pension lo ta basa riba salario averahe na luga di salario final.

Lo promove entrepreneurnan y clima di inversion. Entre otro, ta importante pa optimisa e sistema di licencia, reduci e costo di haci negoshi, y elimina bureaucracia (red tape).

Lo desaroya y implementa propuestanan basa riba un revision integral di, entre otro, legislacion y regulacion. Tambe lo desaroya y implementa politica di pais y politica di desaroyo teritorial.