Refineria Isla na Corsou no mester paga e clausula di 75 miyon florin. Fundacionnan manera SMOC a pone beslag riba e suma aki, pero hues a dicta otro. Y awor mester kita e beslag dentro dos dia. Aunke e refineria no a cumpli cu e ley y a surpasa e norma stipula den su permiso pa cu emision di zwaveldioxide na e santana Beth Chaim (riba potret).
Den su defensa e refineria a para riba e punto cu ta haci un diferencia unda ta midi. Y tin un rapport di experto independiente cu a mustra cu den e periodo (2013) concerni, Isla no a surpasa e norma. Aunke e midimento a tuma luga riba tereno di e refineria mes y no na e santana menciona. Hues a sigui e argumento aki y duna Isla rason den esaki cu mester tene na cuenta unda ta midi.
Sinembargo, e echo ta keda cu na Beth Chaim e emision di zwaveldioxide tabata mas halto cu e norma stipula.
Lesa mas riba e veredicto complica aki riba Caribisch Netwerk.
