“ Refineria isla ta contribui mas di mcg/m3(micrograms per cubic meter) of SO2(sulfur dioxide) y tin cu paga un multa di 75 miyon florin.” Esaki mester ta e demanda den e apelacion mas halto awe diamars den e caso treci pa SHZC, SMOC y 25 residente.
Calculacionnan incorecto
Segun Isla E midimento halto SO2 di e ultimo añanan ta culpa di otro fuentenan(Aqualectra, CRU, trafico, shipping) y su propio contribucion ta menos cu 80mcg/m3. Ademas segun e expertonan di Hulanda di StAB y TNO kende tabata apunta pa e corte pa calcula e contribucion di Isla, e contribucion di isla ta menos cu 80.
SMOC a intenta pa durante añanan pa proba cu e calculacionnan tabata incorecto, pa motibo cu e midimento di SO2 ta mas halto cu e calculacionnan realisa pa expertonan. E datonan uza pa expertonan a bin di Isla y tabata SMOC a demostra un biaha mas, incompleto y incorecto.
E expertonan no kier realisa un validacion, no a calcula e contribucion di e otro fuentenan y a mantene nan mes riba e calculacion pa isla so menos cu 80. Isla a gana, su team di abogadonan caro di Hulanda tabata naturalmente mas satisfecho.
Pruebanan di midimento
Awo cu Isla ta inoperativo pa casi un aña, tin midimento cu ta proba cu e contribucion di otro fuentenan ta hopi chikito, y e expertonan ta completamente ekiboca cu nan calculacionnan.
E grafiek cu ta valida e midimentonan ta mustra e lunanan cu isla ta completamente inoperativo, compara cu e mesun luna di e añanan 2013-2017. Solamente e otro fuente inclui CRU, awo a ser midi.
CRU no a opera na ful capacidad na 2018. Si a funciona na full capacidad e contribucion di CRU ta 20mcg/m3, asina e ta estableci den e caso di corte.E contribucion di Isla ta por medio, mucho mas halto cu 80mcg/m3 den casi un aña y segun e sentencia di 2010 PDVSA mester paga un multa di 75 miyon florin.
Esaki ta parce hopi placa, pero segun un comunicado di prensa recien di Isla, PDVSA a paga 270 miyon florin pa aña den mantenemento y inversion. Segun SMOC, PDVSA a gana aproximadamente 500 miyon dollar( liber di impuesto)durante 30 aña na Corsou.
Awe diamars 30 di april, corte di mayor apelacion lo dicidi si Isla mester paga 75 miyon florin na e 26 demandantenan. E sentencia aki ya a ser posponi dos biaha.
