Segun un recado di prensa di e empresa estatal di Curaçao Refinería di Korsou (RdK), e compania a inicia conversacion cu e consorcio di producto industrial, Klesch Group, pa opera e refineria Isla, cu capacidad di 335.000 bari pa dia.
RdK tabata buscando un socio pa reemplaza Petroleos de Venezuela SA como operador di Isla, debi cu e contrato ta expira na fin di e aña aki.
E compania RdK a informa cu a selecciona Klesch Group pa un acuerdo di e operacion di e planta. “E negociacionnan lo tuma lugar durante e proximo 3 luna cu eintencion di yega na acuerdo pa mas tarda na november 2019,” e comunicado ta bisa.
Klesch Group ta un compania priva cu oficina na Londres y Ginebra, cu inversion principalmente den sector petrolero. Klesch tin un refineria, Heide na Alemania. E refineria tin un capacidad di aproximadamente 90.000 bari pa dia (4,5 miyon ton metrico pa aña). Klesch ta opera den cuatro pais y tin un turnover total di US$ 3 biyon.
Segun e medio Venezolano La Patilla, e anuncio ta parce di dera e ultimo esfuerso cu Manuel Quevedo, presidente di Pdvsa a haci pa keda como operador na Curaçao. RdK a cuminsa busca un reemplazo pa Pdvsa despues cu entre otro pa e disputa cu ConocoPhillips, pero tambe pa falta di crudo pa suministra e refineria, e planta tin como un aña sin opera.
