Refineria di Korsou (RdK) ta demandando e ex-operador Petroleos de Venezuela pa 51 miyon dollar na corte estatal na New York, segun documentonan fecha dia 26 di augustus ta mustra.
RdK a bisa cu PDVSA no a cumpli cu su pagonan mensual na RdK for di cuminsamento di 2018 te cu december 2019, manera rekeri segun e contract entre e dos compania. E acuerdo di PDVSA pa opera e refineria a caduca na fin di 2019, y RdK actualmente ta buscando un operador nobo.
Representantenan di PDVSA no a contesta un peticion pa comentario.
E refineria tabata mas tanto para durante e periodo den cual PDVSA no a cumpli cu e pagonan di utilidad, mientras un crisis economico na Venezuela y collapse den output di crudo di PDVSA a conducie pa reduci e cantidad di crudo cu a manda na refineria Isla, RdK a bisa den e documentonan.
E produccion total di e planta durante e ultimo 22 luna di contract di PDVSA tabata 235mil bari total, of menos di balor di un dia di su capacidad nominal, RdK a bisa. RdK a obtene un veredicto den corte na Corsou na maart, dunando orden pa PDVSA paga, y ta demandando na New York den un intento pa forsa cumplimento di e veredicto en cuestion.
