Marlon Croes director di DOW a duna splicacion cu mester trabou a caba di voedpad, fiestpad y e trabou cu a tuma luga na rand di caminda. Den e proceso ta bay pone mata pa asina ‘embeyece espacio’ pa subi y baha di bus, tambe pa señala cu eynan tin cable di Setar, Web y Elmar.
“Nos tin cu caba cu e proyecto y duna claridad bon riba dje. Den e proceso di diseño di e proyecto aki nos a sinta cu Arubus pa locual ta trata e ruta. Pa e bus grandi cu ta core di Noord, Tanki Flip no tabata baha hende, pasobra no tin facilidad”, el a bisa
Nan a bay sinta pa reevalua proyecto y mehora e bushalte y si tin necesario pa pone borchi. Croes ta splica cu mester yega na un estudio na unda pasahero ta para y ta scoge e luga strategico pa pone parada y borchi.
Nan lo mester haci ahustacion pa e plan ta beneficioso. Henter e proceso di cambio na 2013/2014 a tene contacto cu tur stakeholders, sinembargo no a bisa di e ruta di Arubus pa haci cambio tocante e proyecto.
